amalinks wokungena

Breaking News

Intengo Yamafutha Ezimota Isikhupukile Okuzabangela Ukukhwela Kwentengo Yokudla Okuvele Kungasathengeki


Amafutha ezimota
Amafutha ezimota

Uhulumende sekhweze intengo yamafutha ezimota emizameni yokuqeda ukuswelakala kwawo elizweni.

Ingcwethi kwezenotho zithi lokhu kuzabangela ukukhwela kwentengo yempahla lokudla ezitolo yona intengo yakhona ivele ingabambeki.

Ugatsha lweZimbabwe Energy Regulatory Authority (ZERA) lwazise izolo ntambama ukuthi kusukela namhlanje iliter yephethulo izakhuphuka isuka kuZ$21 isiya kuZ$28.96 kuthi eyedizili yona izakhwela isuka kuZ$20.84 isiya kuZ$24.93.

Ukukhwela kwentengo yamafutha lokhu kuza ngesikhathi esilela kakhulu elizweni.

Usibalukhulu weReserve bank of Zimbabwe uMnu John Mangudya utshele idale lephalamende izolo ukuthi uhulumende uthenga amafutha aneleyo phandle kwelizwe.

Ngapho, uthe uyamangala ukuthi kungani engatholakali. Sixoxe locubungula ezenotho uMnu Masimba Kuchera yena othi kaboni ukukhwezwa kwentengo yamafutha lokhu kuqeda udubo lokusilela kwawo elizweni.

please wait

No media source currently available

0:00 0:02:58 0:00


XS
SM
MD
LG