Ibandla le MDC-T lithi selithethe amahofisi esigodlo sebandla leMDC Alliance eHarare athiwa yi Harvest House kumbe Richard Morgan Tsvangirai House. Kuncwadi elotshwe ngunobhala jikelele we MDC-T, uMnu. Douglas Mwonzora baphiwe amakhiye ehofisi ngokuthula.
Wengezelele esithi kusukela namhla imihlangano yebandla leMDC-T isizenzelwa kulamahofisi. Isikhulumeli sikaNkosazana Thokozani Khupe, uMnu. Khaliphani Phugeni ugcizelele amazwi ka Mwonzora estshela iStudio Seven ukuthi mpela sebewathethe amahofisi la.
Ibandla leMDC Alliance lithi lifuna kukhethwe ikhomithi ezimeleyo ukuthi icubungule udaba lweziphathamandla zebandla leMDC Alliance ezithi zathunjwa zatshaywa, njalo zahlukuluzwa ngokocansi ngenyanga edluleyo ngabacatshangelwa ukuthi ngamapholisa.
Lokhu kulandela amazwi kamphathintambo kahulumende obona ngokwenzakala elizweni uMnu. Kazembe Kazembe othe akusiqiniso okwakhulunywa yiziphathamandla lezi ezibalisa oNkosazana Joanna Mamombe, Cecelia Chimbiri, loNetsai Marova.
Isikhulumeli salelibandla uNkosazana Fadzai Mahere wethule umbiko esola uMnu. Kazembe, esithi usebahlulela khona ukudingisisa kungakaphutshi.
Kusenjalo, amalunga alelibandla awaphatheka edale lephalamende lelesenatengaphandle kwesinqumo salelibandla athi aselindele inyathelo elizathathwa ukuthiajeziswe kumbe axolelwe kulandela umhlangano weNational Council ngoLwesithathu.
Umgcinisihlalo weMDC Alliance koBulawayo uMnu. Swithern Chirowodza utsheleuSithandekile Mhlanga weStudio 7 ukuthi basalindele njengezigaba ukuzwa leziizijeziso, njalo uqala ngokuchasisa ngesisekelo esisetshenziswa libandla lakhe.
