amalinks wokungena

Breaking News

Thokozani Khupe: Asilani Lokugqagqelwa Kwedolobho lako Bulawayo Ngamasotsha


UNkosazana Thokozani Khupe
UNkosazana Thokozani Khupe

Ukuvinjwa kukazulu ukungena enzikini yedolobho lako Bulawayo ngoLwesithathu sokudale imibuzo eminengi ukuthi kambe bekusenzelwani.

Uzulu obehamba ngezimota kumbe ngenyawo ubephedukiswa emakhaya.

Lanxa bekulembiko yokuthi bakhona abatshayiweyo ngamasotsha iStudio Seven ayenelisanga ukuthola lobu bufakazi.

Lize latshona ngoLweisthathu abantu lokhu bevinjwa ukungena edolobheni. Kuthi izolo bekuyisoneso edolobheni le Kwekwe abantu bevinjwa ukuhamba bekhululekile.

Abanye bathi lokhu kungaba kubangelwe yimbiko ethi kulabasakhulayo kade befuna ukutshengisela bekhonona ngokoma kwempilo.

Kodwa iStudio Seven ayenelisanga njalo ukuthola lobu bufakazi lokuthi ngubani obevele eqoqa ukutshengisela lokhu.

Abanye ngabathi mhlawumbe kukhona okutshaya amanzi njengoba ibutho like lathi kulembiko yokuthi bakhona abaqoqa umgenqulambuso, kumbe icoup ngesilungu.

Abanye njalo ngabakade besithi mhlawumbe ibandla leMDC-T lifuna ukuthatha amabahofisi ebandla leMDC Alliance njengalokho okwenzakala eHarare.

Umkhokheli webandla leMDC-T uNkosazana Thokozani Khupe ulandule ukuthi kukhona ibandla lakhe ebelikuqoqa ko Bulawayo ngoLwesithathu.

UMakhupe utshele uChris Gande weStudio Seven ukuthi yena ubevele engekho lako Bulawayo ese Harare.

please wait

No media source currently available

0:00 0:02:56 0:00


XS
SM
MD
LG