amalinks wokungena

Breaking News

Ababalisi Bathi Abakwamukeli Ukwengezwa Kweholo Labo Ngoba Lilokhu Lingeneli Lutho


Teachers hold banners during a protest against the high cost of living, in Zimbabwe's capital Harare on Nov. 9, 2018.

Ababalisi bathi ukwengezwa kweholo labo nguhulumende izolo akutsho lutho ngoba imali asebeyihola ilokhu ingenelisi ukubaphilisa kanye lemuli zabo.

Umphathintambo wezemali uMnu Mthuli Ncube wazise ukuthi izisebenzi zikahulumende sezikhwezelwe iholo ngesilinganiso sokungamatshumi amahlanu ekhulwini, 50 percent, njalo zizahlawulwa imali eqondane lengozi yomkhuhlane weCoronavirus, iCovid-19 Allowance, engamadola angamatshumi ayisikhombisa lanhlanu eMelika, iUS$75 ngenyanga.

UNcube uthe njalo abake basebenza kuhulumende asebathatha impentsheni bazabhadalwa iUS$30 ngenyanga.

Uthe lokhu bazakwenza okwenyanga ezintathu ezilandelayo besakhulumisana lezisebenzi phezu kweholo.

Inyathelo leli lize ngesikhathi abongi betshengisela eHarare izolo bekhala ngeholo eliphansi.

Isiphathamandla senhlanganiso emela ababalisi bemaphandleni iAmalgamated Rural Teachers Union of Zimbabwe (ARTUZ) uNkosazana Melissa Chingwanangwana uthi bafuna ababalisi baholiswe imali engange US$520 ababeyihola ngo2017.

please wait

No media source currently available

0:00 0:02:32 0:00

Esinye njalo isiphathamandla salinhlanganiso uMnu Nation Mudzitirwa utshele iStudio 7 ukuthi bazatshengisela ngoMvulo phezu kodaba lolu.

please wait

No media source currently available

0:00 0:02:01 0:00

Facebook Forum

XS
SM
MD
LG