amalinks wokungena

Breaking News

Izakhamizi Zifuna Imbono Yazo Layo Ifakwe Kusisekelo Sombuso Welizwe


Izakhamizi

zakhamizi zemaphandleni zithi zifuna lazo ziphiwe ithuba lokufaka imbono yazo ngodaba lokuguqulwa kwesisekelo sombuso welizwe iConstitutional Amendment Bill (No 2) hatshi ukuthi imihlangano le iqhutshwe emadolobheni kuphela.

Izakhamizi esixoxe lazo zithi nxa uhulumende engaqhubekela phambili aguqule isisekelo sombuso welizwe engalalelanga imbono yazo kuzavela obala ukuthi ukhangelela uzulu wemaphandleni phansi ngoba kusitsho ukuthi imbono yabo ayiqakathekanga.

IKomidi yedale lephalamende ebona ngokubunjwa kwemithetho iqale imihlangano yokuzwa imbono kazulu ngodaba lokuguqulwa kwesisekelo sombuso njalo kulesisabelo lumhlangano uqhutshwe ngoLwesibili edolobheni leGwanda.

UMnu Denis Moyo isakhamuzi seNyandeni uthi njengezizalwane zakuleli balelungelo lokuphakatheka ekubunjweni kwemithetho yelizwe esithi kuyinhlalayenza ukuthi uhulumende abakhohlwe phakathi kwesikhathi bakhunjulwe kuphela ngesikhathi sokhetho.

UMoyo uthi: "Kusenziwa iReferundum kwakungcono ngoba babebhoda abeCOPAC befika lapha lalapha kathesi lokhu okwenzakalayo thina ngapha emakhaya ngingathi siyenziwa nje abantu abadingakala sekusiyavotwa kuthi after amavotes siyalahlwa imbono yeti ayithathwa kuthathwa imbono yabantu abasemadolobheni yibo abakhangelwe ingani ngabantu abalolwazi olungcona ukudlula thina abesemakhaya mina ngokubona kwami sincindezelwe kakhulu ukudlula abantu absemadolobheni."

Amazwi akhe asekelwe nguMnu Themba Ndlovu oyisakhamuzi seMahlokohloko eShake othi kumele kuvotwe ukuze intando kazulu ivele.

"Asizange sikuzwe, engaguqula isisekelo sombuso engazange wabuya kithi hanti kufanele abuye kithi abantu njalo nxa eguqula isisekelo sombuso usiguqula through iCabinet ngoba isisekelo sombuso sayenziwa yiZimbabwe yonke jikelele kumele abuye ayenza another referendum abantu simtshele okokwenza," kutsho uNdlovu.

UNkosazana Edith Ndlovu oyisakhamuzi sakoMtshazo uthi usemnyameni ngodaba lokuguqulwa kwesisekelo sombuso esithi indaba bazizwa ngelikabathi emakhaya.

"Njengoba sisemakhaya khonapha asilamaradiyo asila ma Tv abanaye balayo, pho njengoba usibona singogogo sinje siyawabona ngaphi amaTV, indaba sizizwa kanzima suhamba susizwa ukuthi kuthiwa uyabe ukwazi ukuthi kuliqiniso kumbe hatshi?," kutsho uNdlovu.

UMnu Joseph Khumalo esinye njalo isakhamuzi sakoMtshazo sithi nga uhulumende uyama ukuguqulwa isisekelo sombuso esikhona.

"Loludaba nga lathi siyafaka imbono yeti sgobba ludaba olusihlupha kakhulu ukuthi kambe iConstitution leyi okuthiwa iyaguqulwa ingakasebnzi ngokugcweleyo sokuthiwa ibe le Amendment angathi thina abantu yithi okumele sitsho ukuthi lapha iConstitution isizwisa ubuhlungu kodwa osekusimangalisa nguye osebuya esithi ayiguqulwe phela iConstitution leyi akukhunjulwe ukuthi its people driven," outshot uKhumalo.

UKhansila kaWard 6 koMtshazo uMnu Kelon Skula uthi njengezakhamizi akula ezikuzwileyo ngokuguqulwa kwesisekelo sombuso lokhu.

"Njengabakhokheli abantu bathembile kithi ukuthi okuyabe kuvelela ekutshintsheni kwezinto kufanele bezwe ngathi kodwa njengoba ngikhuluma angizange ngibone report yokutshintshwa kombuso kodwa siyakulakazelela ukuthi kufike lakithi emaphandleni," kutsho uSkula.

UMgcinishlalo wekomidi yephalemende ebona ngokubunjwa kwemithetho uMnu Misheck Mataranyika uthi uzulu ulakho ukubhalela ephalamende efaka imbono yakhe ngaloludaba.

Kusenjalo inani lasebebanjwe umkhuhlane weCovid 19 eZansi yemaNdebeleni seliqonge laya kwabangamatshumi amane lasithupha ineggi labo kuyizalwane zakuleli ezivelele kweleSouth Africa leBotswana eziku-maquarantine centres.

please wait

No media source currently available

0:00 0:04:15 0:00


Facebook Forum

XS
SM
MD
LG