Umphathintambo wezempilakahle, uMnu. Obadiah Moyo obotshwe izolo phezu kwecala lenkohlakalo uphiwe ithuba lokuhlawula imali yesibambiso sebail engamadola azinkulungwane ezingamatshumi amahlanu, $50 000.
UMoyo wetheswa icala lokupha ithuba inkampani engaqondakaliyo ethiwa Drax International ithuba lokuthengela isizwe impahla yokusebenzisa ukuzivikela kugcikwane le coronavirus ngemali eyizigidi ezingamatshumi ayisithupha zamadola,$60 000.
Linkampani ibikwa yaqamba amanga ukuthi imask inye ingamadola angamamatshumi amabili lasithoba minwe mibili, $20, khona kumele kube ngamadola amabili nje kuphela.
UMoyo ubotshwe ngoLwesihlanu wasiwa enkambeni ye Rhodesville Police station.
Kodwa isimanga yikuthi ubonakale evele endlini yakhe ekuseni esiya emthethethwandaba yena eyisibotshwa.
Emthethwandaba uMoyo uhlawuliswe imali yesibambiso sebail, eyi $50 000 watshelwa ukuthi aphe umthethwandaba ipaspoti yakhe lamaphepha endlu yomkakhe.
Uzabuyela njalo emthethwandaba ekupheleni kukantulikazi.
Kucatshangelwa ukuthi unkosikazi kamongameli, unkosikazi aulia mnangagwa lenye yamadodana akhe engaba elokwenza lalelicala.
Sixoxe lesikhulumeli senhlanganiso elwela ilungelo labaswelayo, eye Poverty Liberation Movement, uMnu. Pride Mukono obesemthethwandaba.
Kunjalo nje, siphinde saxoxa lesiphathamandla seZanu PF, uMnu. Joseph Tshuma lengcwethi ecubungula ezombusazawe, uMnu. Mbuso Fuzwayo.