amalinks wokungena

Breaking News

MDC Alliance: Ukuxotshisa Amalunga Ethu Ephalamende Kuveza Sobala Ukuthi uMaKhupe Usetshenziswa yiZanu PF


UNkosazana Thokozani Khupe loMnu Nelson Chamisa.

AbeMDC Alliance sebesole ukuxotshiswa kwamalunga ebandla labo ayisitshiyagalolunye edale lephalamende yiMDC-T besithi lokhu kuzeza sobala ukuthi uNkosazana Thokozani Khupe lebandla lakhe basetshensiwa yiZanu PF ukudiliza ibandla labo.

Amalunga eMDC Alliance la abalisa uMnu Amos Chibaya, Happymore Chidziva, Basilia Majaya, Mucharairwa Mugidho, Virginia Muradzikwa, Anna Muyambo, Francesca Ncube, Nomathemba Ndlovu loMurisi Zvizvai.

Ngenyanga edluleyo iMDC-T ixotshise amanye njalo amalunga eMDC Alliance amane abalisa uNkosazana Thabitha Khumalo, Prosper Mutseyami, uLillian Timveos kanye loCharlton Hwende.

Lokhu kutsho ukuthi uMaKhupe sexotshise amalunga ebandla likaMnu Nelson Chamisa alitshumi lantathu ephalamende ngoba esithi ala ukulandela izifiso zebandla lakhe.

Umsekeli wesikhulumeli seMDC Alliance uMun Felix Magalela Mafa Sibanda utshele iStudio 7 ukuthi lokhu sokuveze mgceke ukuthi iMDC-T isetshenziswa yiZanu PF.

please wait

No media source currently available

0:00 0:01:49 0:00

Kodwa isikhulumeli seMDC-T uMnu Khaliphani Phugeni yena othi basazoxotshisa amanje njalo amalunga eMDC Alliance engekela ukulandela ibandla labo.

UPhugeni ukulandule ukuthi basetshenziswa yiZanu PF. Ibandla leli lalo liyakulandula ukuthi lisebenzelana ngawonye leMDC-T.

please wait

No media source currently available

0:00 0:01:11 0:00

Facebook Forum

XS
SM
MD
LG