Impumela yokhetho lokudinga uMongameli kweleMalawi itshengisa ukuba okhokhela ibandla eliphikisayo eleMalawi Congress Party, uMnu. Lazarus Chakwera nguye okhokhelayo njalo okhangelelwe ukunqoba uMongameli Peter Mutharika.
Lolukhetho ngolwesibili ngemva kokuba umthethwandaba weleMalawi wanquma ukuba ukhetho olwalwenziwe ngomnyaka odluleyo olwalutshengise uMutharika engumongameli.
Impumela yokhetho olwenziwe liviki alukaziswa kodwa kumavoti asebaliwe phose ilizwe lonke uuChakwera ukhokhela ngamavoti ayisilinganiso esedlula amatshumi amahlanu ekhulwini, 55 percent kuthi uMutharika yena, osevumile ukuthi unqotshiwe uthole ayisilinganiso sokungamatshumi amane, 40 percent.
Ibandla likaChakwera eliyilo elikhanya linqoba, ele Congress Party yilo elalikhokhelwa nguMnu. Kamuzu Banda owabusa okweminyaka eminengi.
Okunye okungaba kwenze uChareka enqobe yikuthi omunye obekumele ancintise kukhetho, uMnu.Saulos Chilima, obengumsekeli kamongameli webandla likaMutharika udedele emuva ukuthi kuncintise uChareka.
Ukuhlaziya loludaba uChris Gande weStudio Seven uxoxe lesikhulumeli sebandla leMDC Alliance ko Bulawayo, uMnu. Swithern Chirowodza endawonye lengcwethi ecubungula ezombusazwe, uMnu. Bekezela Maduma Fuzwayo onguye osungula lingxoxo.
