amalinks wokungena

Breaking News

UMaKhupe Sexotshise Amakhansila eMDC Alliance Ngemva Kokuxotshisa Amalunga Ephalamende


MDC Thokozani Khupe.

Ngemva kokuxotshisa amalunga ebandla leMDC Alliance ayisitshiyangalombili kudale leSenate ngoLwesithathu, ibandla leMDC-T lixotshise amakhansila eAlliance amane kukhansili yeHarare ngoLwesine.

Amakhansila la abalisa okaWard 16 uMnu Denford Ngadziore, uGrisot Mandere okaWard 44, uJaison Kautsa okaWard 37 kanye loTonderai Chakeredza okaWard 31.

Ukuxotshwa kwamaSenators eMDC Alliance ngoLwesithathu kukhweze inani lamalunga alelibandla asexotshiswe edale lephalamende nguNkosazana Thokozani Khupe laya kumatshumi amabili lanye, 21.

I-MDC-T iqale ukuxotshisa amalunga eMDC Alliance kulandela isinqumo senkantolo esokuthi isikhundla esathathwa nguMnu Nelson Chamisa ngemva kokubhubha kukaMnu Morgan Tsvangirai sasimele sithathwe nguMaKhupe.

Isinqumo lesi sabangela njalo ukuthi uMaKhupe ahluthunele iMDC Alliance isigodlo sebandla leli eHarare.

UMnu Chamisa uthi uMaKhupe usetshenziswa yiZanu PF. Kodwa yena uyakulandula lokhu.

Ukuhlaziya loludaba sixoxe lesiphathamandla seMDC-T eMelika uMnu Den Moyo endawonye lesiphathamandla seMDC Alliance eMelika njalo uMnu Tim Muringai onguye osungula lingxoxo.

Ingxoxo Phakathi kukaMnu Tim Muringai loMnu Den Moyo
please wait

No media source currently available

0:00 0:07:17 0:00


Facebook Forum

XS
SM
MD
LG