Umphathintambo wezemali uMnu Mthuli Ncube namuhla uzakwethula umbiko wakhe waphakathi komnyaka ophathelane lokusetshenziswa kwemali kahulumende owe2020 Mid-Term Fiscal Review Statement lapho inengi elithi likhangelele ukuthi aphathe udaba lokukhuphuka mahlayana kwentengo yezinto.
Osomabhizimusi bona bathi bafuna ehlise imithelo.
Umbiko lo uza ngesikhathi idola leZimbabwe liqhubeka lisehla uhlonzi, osokubangele ukuthi i-inflation ikhwele iye ku-737.26 percent.
UNcube uzakwethulela umbiko wakhe edale lephalamende lapho ibandla leMDC Alliance elithi amalunga alo azaphatheka kulumkhosi lanxa engananzi uMongameli Emmerson Mnangagwa, yena okhangelelwe ukubakhona.
Ingcwethi kwezenotho uMnu Masimba Kuchera utshele iStudio 7 ukuthi akulalutho olubambekayo uzulu angalukhangelela kumbiko kaNcube.
