amalinks wokungena

Breaking News

I-Bulawayo Yiyo Esikhokhela Ngenani Lasebebulewe yiCoronavirus


Kuhlolwa Indawo Zokwelapha Abalomkhuhlane Onjenge Coronavirus

Kufe abantu abathathu ngomkhuhlane weCoronavirus koBulawayo izolo, okubangele ukuthi inani labantu asebebulewe ngumkhuhlane lo eZimbabwe likhuphuke liye kumatshumi amabili lantathu, 23.

Inani lababanjwe lumkhuhlane izolo lalo likhwele ngeslinganiso esesabisayo ngemva kokufunywanwa kwabantu abangamakhulu phose amathathu, 273 belawo.

Abedlula amakhulu amabili, 231, babantu laba bahlala koBulawayo.

Lokhu kutsho ukuthi idolobho lakoBulawayo yilo eselikhokhela elizweni lonke ngabantu asebebanjwe lumkhuhlane abangu-419 lilandelwa ngeleHarare elilabangu-389.

Idolobho lakoBulawayo yilo njalo eselikhokhela ngabantu abalitshumi asebefile lilandelwa yiHarare esilahlekelwe ngabayisitshiyangalombili.

Inani lasebefunyenwe belomkhuhlane weCoronavirus elizweni seliqonge laya ku-1362.

Kulabangamatshumi amathathu njalo abasinde kulumkhuhlane izolo, okubangele ukuthi inani lasebepholile likhwele liye ku-425.

Amanani ayizolo atshiye uzulu wakoBulawayo ekhuza umhlola lanxa ugatsha lwezempilakahle lusithi abantu abangu-231 ababanjwe umkhuhlane lo izolo kulelidolobho ngabahlolwe phakathi kwamalanga ayisikhombisa edluleyo kodwa impumela yasisethulwa yonke izolo.

Phakathi kwabantu abangu-273 bayizolo laba, abalitshumi lanye kuphela ngabavele phandle kwelizwe. Abanye bonke bathole umkhuhlane lo eZimbabwe.

Esinye isakhamuzi sakoBulawayo esingathandanga ukuqanjwa ngegama sitshele lumsakazo ukuthi okudanisayo kakhulu yikuthi amapholisa kagqoki ma-mask, okucina kubangela ukuthi abantu labo bengawagqoki.

please wait

No media source currently available

0:00 0:02:11 0:00

Ukukhwela kwenani labantu ababanjwa lokubulawa ngumkhuhlane lo kuza ngesikhathi umumo ungemuhle ezibhedlela ngoba abongi bephakathi kokukhalala umsebenzi phezu kweholo.

Odokotela labo bathi bazakhalala umsebenzi nxa uhulumende engehluleka ukubakhwezela iholo njalo abahlawule ngemali yemelika kumaviki amabili alandelayo.

Isiphathamandla senhlanganiso elwele amalungelo oluntu eyeIbhetshu likaZulu uMnu Mbuso Fuzwayo utshele iStudio 7 ukuthi uhulumende kumele akhuphule iholo labodokotela ukuze baqhubeke belwisana leCovid-19 ezibhedlela.

please wait

No media source currently available

0:00 0:02:15 0:00

Kusenjalo, inhlanganiso elwela amalungelo oluntu eyeAfrica Diaspora Forum ithi iphakathi kokukhulumisana labameli bezigodlo zamazwe asemhlubulweni weSADC kweleSouth Africa ngodaba lokuthi izizalwane zabo zihlolwe igciwane leCoronavirus zingakasuki kulelolizwe ukwenzela ukwenqabela ukumemetheka kwalo.

Asebehlaselwe ligciwane leli eSouth Africa sebesedlula inkulungwane ezingamakhulu amathathu 324,221 njalo selibulele abedlula inkulungwane ezine, 4 669.

Abanye babatholakala belegciwane leli eZimbabwe ngabayabe bevela emazweni afana leSouth Africa, Botswana, Mozambique, Lesotho, Malawi, lamazwe aphetsheya.

Sixoxo lomgcinisihlalo weAfrica Diaspora Forum uMnu Vusumuzi Sibanda.

please wait

No media source currently available

0:00 0:02:00 0:00

Facebook Forum

XS
SM
MD
LG