amalinks wokungena

Breaking News

Oqoqa Ukutshengisela, uJacob Ngarivhume Lentathelizindaba, uHopewell Chin’ono Balala Estokisini


Umkhokheli weTransform Zimbabwe uMnu. Jacob Ngarivhume.

Oqoqa ukutshengisela okuthiwa kuzenziwa ekupheleni kwenyanga, uMnu. Jacob Ngarivhume lentathelizindaba ezimeleyo, uHopewell Chin’ono, ababotshwe izolo eHarare, balele estokisini.

Izolo ebususku amapholisa abikwa ebuyele endlini kaChon'no bayabutha impahla yakhe ebalisa imitshina yokuthatha imfanekiso kamabonkude.

Amagqwetha akhe ahi lokhu kwenziwe phandle komthetho ngoba bebengelancwadi ezibavumelayo.

Ngesonto uNgarivhume, okhokhela ibandla eliphikisayo eleTransform Zimbabwe, wethule umbiko othi kulabantu abamethuselayo ecingweni lakhe besithi engaqoqa ukutshengisela bazambulala lemuli yakhe.

NgoMvulo ekuseni amapholisa abehlome ngemibhobho abaikwa engene ngamandla endlini kaNgarivhume bahamaba laye enkambeni ye Harare Central.

Kuthi uChin’ono yena ungenelwe ngamapholisa labanye kade bengagqokanga imphahla zobupholisa ngemva kokugqekeza indlu yakhe.

Kumfanekiso kamabonakude uChin’ono ubonakale ehwajelwa ngamapholisa la ahle amcitshisa ucingo lakhe.

UChin’no uthwalisenzima uhulumende ngokwethula imbiko yenkohlakalo yeziphathamandla zikahulumende eyabangela ukubotshwa kukaMnu. Obadiah Moyo owayengumphathintambo wezempilakahle.

Amapholisa ethule umbiko othi ababili laba babotshelwe ukwephula umthetho ngokutshotshozela uzulu ukuthi avukele uhulumende njalo bazamiswa emthethwandaba kunsukwana ezilandelayo.

Amagqwetha alwela ilungelo likazulu, aweLawyers for Human Rights athe mpela ababili laba basenkambeni ye Harare Central.

UChris Gande weStudio Seven uxoxe losakhulayo webandla le Zanu PF, uMnu. Munashe Mtutsa ukuze sizwe imbono yakhe ngaloludaba.

please wait

No media source currently available

0:00 0:02:31 0:00

Kunjalo nje, kulandela ukubotshwa kukaMnu. Jacob Ngarivhume oqoqa ukutshengisela obekuthiwa kuzenziwa ekupheleni kwenyanga amapholisa abikwa eseqinise isandla ekuvimbeni uzulu ukuthi angangeni enzikini yamadolobho amakhulu abalisa koBulawayo lase Harare.

Kodwa uobhala kugatsha lwezokwethulwa kwemibiko, uMnu. Nick Mangwana uthi lelinyathelo lithethwe ukuvimba ukumemetheka kwegcikwane le coronavirus.

UChris Gande uxoxe lomela isigaba seSoutherton edale lephalamende, uMnu. Peter Moyo othi sekunzima ukungena edolobheni leHarare ngoba amapholisa lamasotsha asenyakazela.

please wait

No media source currently available

0:00 0:02:31 0:00


Facebook Forum

XS
SM
MD
LG