amalinks wokungena

Breaking News

Luqhubeka Lusegudwini Udaba Lwezikwelede Zezinothi zeZanu PF Ezetheswa Uzulu


Udaba lwemali eyathenga impahla yokulimisa edlula izigididi ezingamakhulu amabili, US$200 million phansi kohlelo lweFarm Mechanization Program phakathi kuka2007 lo2008 luqhubeka lusidla ubhedu ngemva kokuba owayengusibalukhulu webhanga elikhulu lelizwe eleReserve Bank of Zimbabwe, uMnu. Gideon Gono ethule umbiko othi abaphiwa limpahla akumelanga bayibhadalele kuhulumende.

Isimanga yikuthi abanye abafana lowayeyisiphathamandla sebandla leZanu PF, uMnu Kudakwashe Bhasikiti labanye babhadala.

Abanye ababeyiziphathamandla zikahulumende abafana loMnu Jonathan Moyo bathi lanxa babefuna ukubhadala izikwelede zabo, akuzange kucace ukuthi kwakumele kubhadalwe njani.

Inengi labathola izinto zokulimisa phansi kohlelo lolu yiziphathamandla zeZanu PF ezigoqela uMongameli Emmerson Mnangagwa.

Abantu laba abasabhadalanga izikwelede zabo ngoba zasuka zetheswa uzulu wonke jikelele nguhulumende.

Umsekeli wesikhulumeli seMDC Alliance, uMnu. Felx Magalela Mafa Sibanda utshele iStudio 7 ukuthi njengebandla bazama ukuphikisa lokhu besithi abaphiwa impahla le kumele babuyisile imali kuhulumende kodwa kwehlula.

please wait

No media source currently available

0:00 0:02:27 0:00

Ingcwethi kwezombusazwe uMnu Dumisani Nkomo yena utshele lumsakazo ukuthi abathola impahla phansi kwaloluhlelo kumele bayihlawulele.

please wait

No media source currently available

0:00 0:03:02 0:00

Udaba lolu soluveze esinye njalo isikwelede esibikwa saphiwa iziphathamandla zikahulumende lamalunga amabandla ezombusazwe.

Umkhokheli weMDC Alliance, uMnu. Nelson Chamisa lonobhala jikelele webandla leli, uMnu. Charlton Hwende babikwa baphiwa isikwelede seUS$100, 000 abangazange bayibuyisele.

Bakhona njalo abathola imali phansi kohlelo lunye kodwa labo abasayibhadalanga ngoba uhulumende wasuka wathatha izikwelede lezo zaba ngumthwalo kazulu.

Ingcwethi ecubungula ezenotho, uMnu Rejoice Ngwenya uthi kumele abakumabandla aphikisayo babuyisele limali nxa befuna ukuzehlukanisa lamalunga eZanu PF emehlweni kazulu.

please wait

No media source currently available

0:00 0:02:18 0:00

XS
SM
MD
LG