amalinks wokungena

Breaking News

Abalwela Amalungelo Basola Ukubotshwa kukaChin'ono loNgarivhume


Zimbabwe journalist Hopewell Chino'ono, center, smiles during the launch of his documentary, State of Mind, in Harare, Oct. 10, 2018.

Abalwela amalungelo oluntu sebesole kakhulu ukubotshwa kwentathelizindaba esebenza izimele uMnu Hopewell Chin’ono lomkhokheli webandla leTransform Zimbabwe uMnu Jacob Ngarivhume.

Ababili laba babotshwe izolo besetheswa icala lokutshotshozela udlakela ngokukhuthaza abantu ukuthi batshengisele ezitaladeni mhlaka 31 kulinyanga besola umbuso weZanu PF abathi usubulele ilizwe ngenkohlakalo.

Ababili laba balele bevalelwe esitokisini njalo isikhulumeli samapholisa uMnu Paul Nyathi uthi bazamiswa enkantolo maduze.

Abameli bezigodlo zamazwe angentshonalanga eZimbabwe agoqela iMelika, iBhilithani, iNetherlands lomanyano weEuropean Union bathe intathelizindaba ezichaya imisebenzi yenkohlakalo ezifana loChin’ono kumele zivunyelwe ukusebenza zikhululekile.

Amazwi la agcizelelwe yisiphathamandla esibona ngobudlelwano bukahulumende weMelika lamazwe aseAfrica uMnu Tibor Nagy.

Abakhankasela amalungelo oluntu abagoqela abenhlanganiso yeCrisis in Zimbabwe Coalition labo bakusolile ukubotshwa kwababili laba.

Isikhulumeli salinhlanganiso uMnu Marvellous Khumalo utshele iStudio 7 ukuthi sebecele umanyano weAfrican loweSadc ukuthi ingenele kudaba lokwephulwa kwamalungelo oluntu eZimbabwe.

please wait

No media source currently available

0:00 0:02:53 0:00

Ingcwethi kwezombusazwe uMnu Effie Dlela Ncube yena utshele iStudio 7 ukuthi uChin’ono loNgarivume babotshelwe ize ngoba abazange bakhuthaze abantu ukuthi batshengisele ngodlakela.

please wait

No media source currently available

0:00 0:03:22 0:00

Facebook Forum

XS
SM
MD
LG