amalinks wokungena

Breaking News

Kambe Amabhizimusi Amancane Azasila Na Ngokuvalwa Kwelizwe?


Abaphila ngokuthengisa ezitaladeni.
Abaphila ngokuthengisa ezitaladeni.

Amabhizimusi amancane kunye lozulu ophila ngokuthengisa ezitaladeni usethwelenzima ngokuvalwa kwelizwe phansi kwezibopho zokuvimba ukumemetheka kwegcikwane le coronavirus.

Kwesatshelwa ukuthi amabhizimusi amancane amanengi kawasoze enelise ukuvuka lanxa kungavulwa ilizwe njalo.

Ingcwethi kwezomnotho welizwe, uMnu. Rejoice Ngwenya uthi phose ingxenye yaabhizimusi amancane izahle itshabalale.

Lokhu kugcizelelwe ngumkhokheli wenhlanganiso yezakhamizi, eye Bulawayo Progressive Resident’s Association, uMnu. Ambrose Sibindi.

Isakhamuzi sakoBulawayo, uMnu. Swithurn Chirowodza, oyisikhulumeli sebandla leMDC Alliance koBulawayo, uthi ukungasetsheniswa kuhle kwemali kahulumende yikho okuzabangela ukuthi amabhizimusi amanance angasavuki.

Ekuqaleni kohlelo lokuvimba igcikwane le coronavirus uhulumende wayethe uzaphathisa amabhizimusi amancane kunye labaphila ngokuthengisa ezitaladeni kodwa loluncedo aluzanga ngemfanelo ngoba inengi alulutholanga. Kodwa uNgwenya uthi uhulumende kaphathisanga ngalutho.

Uphathintambo wezamabhizimusi amancane, uNkosikazi Sithembiso Nyoni wayethe kuzasungulwa isikhwama sokuphathisa amabhizimusi amancane kodwa udubo yikuthi abamabhzimusi amancane la bathi abazi ukuthi imali yakhona ifinyelelwa njani.

please wait

No media source currently available

0:00 0:05:44 0:00


XS
SM
MD
LG