WASHINGTON DC —
Ibandla leMDC-T elikhokhelwa nguNkosazana Thokozani Khupe lithi selimise okwesikhatshana umhlangano walo omkhulu oweCongress obumele uqhutshwe ekupheleni kwalinyanga ngenxa yokumemetheka komkhuhlane weCovid-19.
Isikhulumeli salelibandla uMnu Khaliphani Phugeni uthi babhalele amapholisa labezempilakahle incwadi bekhalaza ukuthi umhlangano lo ube sezigabeni kuma-provinces, kodwa balelwa.
Uphugeni uthi umbiko kaMongameli Emmerson Mnangagwa owokuthi amabandla ezombusazwe engasabuthani uzasebenza emthethwandaba, oyiwo owanquma ukuthi beqhube lumhlangano ukuze bakhethe inkokheli entsha.