amalinks wokungena

Breaking News

Isigaba seMDC-T eHarare Sithi Sifuna uMwonzora Akhokhele Lelibandla, Hatshi uMaKhupe


Dr. Thokozani Khupe

Isigaba seMDC-T eHarare sithi sifuna uMnu Douglas Mwonzora abe nguye umkhokheli walelibandla, hatshi uNkosazana Thokozani Khupe.

Amalunga alelibandla eHarare Province aqhube ukhetho lokudinga umuntu afuna ancintise kusikhundla somkhokheli walo emhlanganweni omkhulu wokudinga inkokheli entsha oweCongress.

Umhlangano lo ubumele wenziwe ekupheleni kwalinyanga kodwa ibandla leli lithi seliwudlulisele phambili ngenxa yomkhuhlane weCoronavirus.

Isiphathamandla sebandla leli, uMnu Witness Dube utshele iStudio 7 ukuthi abancintise eHarare nguMaKhupe, uMwonzora loMnu Elias Mudzuri.

“Kumpumela yalolukhetho ke uMama uMaKhupe katholanga inhlanhla, ubaba uMudzuri uthole abangu-23 abamvoteleyo kwathi uMwonzora wavotelwa ngabangu-189,” kutsho uDube.

Wengeze wathi izigaba zalelibandla zonke lazo zizakhetha labo ezifuna bancintise kusikhundla sokuba ngumkhokheli weMDC-T kuCongress.

please wait

No media source currently available

0:00 0:02:59 0:00

Facebook Forum

XS
SM
MD
LG