Idola leZimbabwe liqhubeka lilahlekelwa luhlonzi nxa liqathaniswa ledola leMelika, okwenza impilo ibe lukhuni ngamandla ebantwini abanengi.
Emkambo wemali osemthethweni kuliviki idola leMelika elilodwa lilingana lamadola aseZimbabwe angamatshumi ayisikhombisa lambili, 1:72.
Ngeviki edluleyo idola leMelika elilodwa belilingana lamadola akuleli angamatshumi ayisithupha lasitshiyangalombili, 1: 69.
Lokhu kutsho ukuthi idola leZimbabwe lilahlekelwe yimiklomelo emine phakathi kwamalanga ayisikhombisa.
Le yinto esihlala esenzeka maviki wonke ngoLwesibili lapho okwethulwa khona intengo yedola leMelika entsha eyabe ihlelwe luhlelo lweAuction.
Ingcwethi kwezenotho uMnu Reggie Shoko utshele iStudio 7 ukuthi ngaphandle kokuthi eleZimbabwe liqinise ezokulima litshaye inala njalo liqinise amafekithali alo, imali yalo izaqhubeka igugudeka.