amalinks wokungena

Breaking News

Izakhamizi zakoBulawayo Seziphikise Ukuntshintshwa Kwamabizo Ezitalada Nguhulumende Emthethwandaba


Bulawayo City Hall

Izakhamizi zelokitshi leLuveve koBulawayo sezimangalele ikhansili yalelidolobho emthethwandaba zifuna inhlawulo ngemva kokuhlaselwa ngumkhuhlane wesihudo ogulise inkulungwane zabantu njalo wabulala abedlula itshumi.

Inhlanganiso yeZimbabwe Lawyers for Human Rights ithi isifikise amaphepha enkantolo idinga imvumo yokumangalele umasipala phezu kwaloludaba ukuze ahlawule izakhamizi.

Amanzi ayephuma empompini engcolile abikwa eyiwo abangela lumkhuhlane.

Kolunye udaba olufanayo, inhlanganiso yeBulawayo Progresive Residents Association (BUPRA) layo isikhweze amaphepha ayo enkantolo iphikisa isinqumo sikahulumende sokuntshintsha amabizo ezitalada zakulelidolobho.

Phansi kohlelo lukahulumende, u9th Avenue kumele abizwe ngoSimon Muzenda Avenue kuthi u6th Avenue Extension kumele abizwe ngoEmmerson Dambudzo Mnangagwa Way. U12th Avenue yena uba nguJoseph Msika Avenue.

Isiphathamandla seBUPRA uMnu Thembelani Dube uthi uzulu wakoBulawayo nguye omele azikhethele amabizo ezitalada hatshi uhulumende.

please wait

No media source currently available

0:00 0:03:11 0:00

Facebook Forum

XS
SM
MD
LG