amalinks wokungena

Breaking News

Inani Lasebebulewe yiCovid-19 eZimbabwe Likhwele Ngababili Izolo Laya Ku-28


Coronavirus, Zimbabwe

Kubhubhe abantu ababili njalo ngomkhuhlane weCovid-19 eZimbabwe izolo.

Ugatsha olubona ngezempilakahle luthi omunye wabo ubehlala koBulawayo kuthi omunye ubehlala eHarare.

Ukutshona kwababili laba kukhweze inani lasebebulewe ngumkhuhlane lo kuleli laya kumatshumi amabili lasitshiyangalombili, 28.

Idolobho lakoBulawayo yilo elihamba phambili ngabantu asebebhubhile abalitshumi lantathu lilandelwa ngeleHarare lona eselilahlekelwe ngabayisitshiyagalolunye.

Ababanjwe umkhuhlane lo izolo bangamatshumi ayisitshiyagalolunye. Abayisikhombisa babo bavele kweleSouth Africa kuthi abangu-83 ngabathole umkhuhlane lo eZimbabwe.

Lokhu kukhuphule inani lasebefunyenwe belomkhuhlane lo laya kunkulungwane ezimbili lekhulu elilamatshumi amabili lane, 2124. Asebephephile bangamakhulu amahlanu aletshumi, 510.

Umfundisi Anglistone Sibanda utshele iStudio 7 ukuthi uzulu kumele alandele iziqondiso zokwenqabela umkhuhlane lo ngokugcweleyo.

please wait

No media source currently available

0:00 0:02:13 0:00

Facebook Forum

XS
SM
MD
LG