amalinks wokungena

Breaking News

MDC Alliance: Ukuzingelwa Kwamalunga Ethu Kuveza Ukuthi Inkululeko Ayikho eZimbabwe


Ibandla leMDC Alliance lithi ukuzingelwa kwamalunga alo ngamapholisa kuveza sobala ukuthi akulankululeko elizweni.

Isikhulumeli samapholisa uMnu Paul Nyathi wazise izolo ukuthi badinga amalunga alelibandla agoqela uMnu Job Sikhala, uObey Sithole, uMakomborero Harizivishe, Godfrey Kurauone, Denford Ngadziore labanye abagoqela umkhokheli wenhlanganiso yeTajamuka/Sesijikile uMnu Promise Mkhwanazi kanye lowake waba lilunga leZanu PF.

Abantu laba babikwa besetheswa umlandu wokukhuthaza uzulu ukuthi atshengisele ezitaladeni mhlaka 31 kulinyanga.

Kodwa umgcinisihlalo weMDC Alliance eMatabeleland North uMnu Prince Dubeko Sibanda uthi akulamuntu omele abotshelwe ukukhuthaza uzulu ukuthi atshengisele ngokuthula ngoba leli lilungelo lomuntu wonke elikhona kusisekelo sombuso.

please wait

No media source currently available

0:00 0:02:03 0:00

Kusenjalo, umeli weKwekwe edale lephalamende njalo obelilunga lebandla leNational Patriotic Front uMnu Masango “Blackman” Matambanadzo kasekho.

UMatambanadzo ubikwa ebhubhe namuhla ngemva kokugula okwesikhathi eside.

Facebook Forum

XS
SM
MD
LG