amalinks wokungena

Breaking News

Uhulumende Uthi Uzabhadala Abalimi Abamhlophe Abathathelwa Amapulazi iUS$3.5 Billion


Zimbabwe land reform

Uhulumende ngoLwesithathu usayinelane isivumelwano labalimi abamhlophe esokubahlawula imali efika kuUS$3.5 billion phezu kwamapulazi abawathathelwayo ephiwa abantu abansundu.

Ekhuluma emkhosini wokusayinelana isivumelwano lesi uMongameli Emmerson Mnangagwa lomkhokheli wenhlanganiso yabalimi laba, iCommercial Farmers Union (CFU) uMnu Andrew Pascoe bathe inyathelo leli liqakathekile ngoba liletha ingqubelaphambili kudaba lokwabiwa kutsha komhlabathi.

Esikhathini esedluleyo uhulumende useke wahlela imali yokuhlawula abalimi abamhlophe ku-budet yakhe kodwa wangababhadali lutho ngoba engelayo leyomali.

Ingcwethi ecubungula ezombusazwe uMnu Dumisani Nkomo utshele iStudio 7 ukuthi akabona uhulumende eyithola limali njengoba umnotho welizwe uqhubeka utshabalala.

“Ngikhuluma nje ama-nurse aphakathi kokukhalala umsebenzi, amatsitsha lawo athi azakwenza okufanayo, ezibhedlela abantu bafa njengempukane,” kutsho uMnu Nkomo.

“Ngakho, ngibona kuzakuba nzima kakhulu ukuthi uhulumende ayithole limali ahlawule abalimi abamhlophe.”

please wait

No media source currently available

0:00 0:02:03 0:00

Phansi kwesivumelwano lesi, umlimi ngamunye uzaphiwa inhlawulo engena kumatshumi amathathu ekhulwini, 50 percent, kuthi enye ayithole eminyakeni emihlanu ezalandela.

Facebook Forum

XS
SM
MD
LG