Ungcwatshiwe oweMDC Alliance Obulawelwe Ukudla Ngabasekeli beZanu PF

Ilunga leMDC Alliance uMnu Mazwi Ndlovu, obikwa etshaywe ngabasekeli beZanu PF wafa ngempelaviki ungcwatshiwe kibo ngoLwesithathu esigabeni seGwambe, ePlumtree.

UNdlovu ubikwa watshaywa ngamalunga eZanu PF encedisana lamapholisa ngemva kokukhonona ngokuthi kungani ukudla kukahulumende kuphiwa abasekeli beZanu PF kuphela.

Watshaywa ngoLwesihlanu walimala kakubi wasethwalelwa esibhedlela seUnited Bulawayo Hospitals (UBH) koBulawayo lapho abhubhele khona ngeSonto.

Kubikwa sokubotshwe umuntu oyedwa phezu kwesehlakalo lesi kodwa abanye, abagoqela isiphathamandla seZanu PF esigabeni, uMnu Bhebhe, yena esingenelisanga ukuthola igama lakhe, babikwa bengakabotshwa.

Isiphathamandla seMDC Aliance uNkosazana Precious Ndlovu, obekhona emngcwabeni lo utshele iStudio 7 ukuthi uNdlovu watshayelwa phambi komntanakhe oleminyaka emine kuphela.

Utshiye umkakhe lomntwana.

Embed share

Ingxoxo loNkosazana Precious Ndlovu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:00 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala