amalinks wokungena

Breaking News

Lokhu Bethunjwa Abacatshangelwa Ukuthi Basekela Umbikitsho Phezu Kwenkohlakalo


Isivalo esigqekezwe ngabantu abangene endlini kaMnu. Josphat Mzaca Ngulube befuna ukumthumba.

Ibandla leMDC Alliance lithi amalunga alo aqhubeka elokhu ethunjwa ezindlini zawo ngabantu abangaziwayo. UNkosazana Otilia Sibanda ubikwa ethunjwe ngoLwesine emzini wakhe elokitshini le Sizinda.

Kazakali ukuthi usiwe ngaphi. Umgcinisihlalo ka ward 21 owebandla le mdc alliance, uNyasha Musundire ubikwa ethunjiwe izolo emadabukakusa emzini wakhe elokitshini linye ele Sizinda wasiwa egangeni le Pumula lapho atshaywe kabuhlungu wayaphoselwa eNkulumane.

EHarare isiphathamandla sebandla leli, uMnu. Olver Gwatiringa ubaleke esizwa ukuthi uyadingakala kwasala kuthunjwa umkakhe ongaziwa ukuthi usiwe ngaphi.

Ko Bulawayo, uMnu. Josphat Mzaca ngulube olwela ilungelo loluntu ubikwa esithi abantu abangaziwayo bangene emzini wakhe bamswela kodwa bantshontsha imali, utshwala lamanye amaphepha ache aqakathekileyo.

UMnu. Ngulube ubikwa engomunye owaba amask alotshwe ukuthi ibandla lezanu pf kufanele lisuke embusweni.

Omunye njalo ohlaselweyo kodwa waswelakala emzini wakhe, nguMnu. Mthulisi Hanana owenhlanganiso ye Dumiso Dabengwa Foundation laye obikwa ebelama masks la alotshwe “Zanu PF Mus Go”.

UHanana uthi amapholisa angene ngodlakela emzini wakhe agqekeza umnyango emdinga ngoLwesibili. Emadabuka kusa.

Umphathintambo kahulumende obona ngokwenzakala ekhaya uMnu. Kazembe Kazembe izolo uthe ukutshengisela okufuna ukwenziwa kusasa akukho emthethweni ngoba abantu bafuna ukugenqula uhulumende.

Amapholisa agcizelele amazwi akhe emhlanganweni ofanayo. Ukuhlaziya loludaba, uSithandekile Mhlanga weStudio 7 uxoxe loMnu. Thandeko Znti-Mnkandla, ingcwethi ecubungula ezombusazwe.

please wait

No media source currently available

0:00 0:02:53 0:00


Facebook Forum

XS
SM
MD
LG