amalinks wokungena

Breaking News

Osaziwayo beSouth Africa Baxhasa Uzulu weZimbabwe Ekusoleni Uhulumende kaMnangagwa


Osaziwayo bakweleSouth Africa abagoqela abezombusazwe, abaculi labamasonto ngoMvulo batshone behlokoma besekela uzulu weZimbabwe enkundleni yeTwitter ekuchothozeni uhulumende weZanu PF besithi kumele atshiyane lokuthumba abantu lokwephula amalungelo abo.

Umkhankaso lo ubuqhutshwa phansi kwesihloko esithi #ZimbabweanLivesMatter.

Osaziwayo laba bagoqela owake waba ngumholi webandla leDemocratic Alliance uMnu Mmusi Maimane, isiphathamandla seEFF uMnu Mbuyiseni Ndlozi, uNkosazana Thuli Madosela labahlabeleli uAKA loCasper Nyovest.

Bathi ukuthunjwa lokutshaywa kwabantu abagoqela abeMDC Alliance, abenhlanganiso ezizimeleyo lentathelizindaba kumele kumiswe.

Ukuthunjwa kwabantu lokhu kuqale phambilini kokutshengisela obekuhlelwe mhlaka 31 ngeviki edluleyo okuvinjwe namasotsha lamapholisa.

Omunye wabathunjiweyo nguMnu Tawanda Muchehiwa ongumzukulu kaMnu Mduduzi Mathuthu, umhleli wenkundla yeZimLive.com.

UMuchehiwa uthunjwe ngeviki edluleyo waze wavumbuluka ngoMgqibelo esejikelwe emgwaqweni ngemva kokuba inkantolo inqume ukuthi amapholisa kumele amveze.

Utholakale elimele kakubi ngokutshaywa njalo igqwetha lakhe uMnu Nqobani Sithole utshele iStudio 7 ukuthi ulokhu elalisiwe esibhedlela koBulawayo.

UMathuthu yena ubikwa elokhu ecatshile ngoba edingwa ngamapholisa.

Abalwela amalungelo oluntu, abagoqela isiphathamandla senhlanganiso yeIbhetshu likaZulu uMnu Mbuso Fuzwayo, bathi umanyano weAfrican Union loweSadc kumele ingenele kudaba lweZimbabwe.

please wait

No media source currently available

0:00 0:02:24 0:00

Isikhulumeli sikahulumende uMnu Nick Mangwana yena uqume ucingo lwethu size simfonele.

Kodwa ulobe ekundleni yeTwitter ukuthi nxa impilo zabantu beZimbabwe ziqakathekile, kumele amazwe aphetsheya esule izijeziso athi azethesa eleZimbabwe.

Facebook Forum

XS
SM
MD
LG