amalinks wokungena

Breaking News

Ukudonsa Amajogwe Amabili KukaChiwenga Kuhulumende Kusolwa Libandla leMDC Alliance


UMnu. Constantino Chiwenga.

Ibandla leMDC Alliance selisole uMongameli Emmerson Mnangagwa ngokunika umsekeli wakhe uMnu Constantino Chiwenga isikhundla sesibili esokuba ngumphathintambo wezempilakahle.

Lelibandla lithi isisekelo sombuso asivumeli umsekeli kamongameli welizwe ukuthi abe lesikhundla sokuba ngumphathintambo wogatsha lukahulumende.

Lithi njalo uMnu Chiwenga kalalwazi olwaneleyo ngezempilakahle olungenza abe kulesisikhundla.

Ibandla leli lithi uMnangagwa ubemele akhethe umuntu ongudokotela kumbe oyingcwethi kwezempilakahle.

Okumangalise abanye yikuthi ngeviki edluleyo kudale le politburo kuphume imbiko yokuthi uChiwenga engaba esebenza lenye inkokheli yeZanu PF ukususa uMnangagwa.

Kwaxotshwa elinye ilunga lalelidale, UNKosikazi Cleveria Chizema. UChiwenga ungene esikhundleni esitshiywe nguMnu Obadiah Moyo yena oxotshwe nguMnangagwa kumaviki asanda kwedlula esetheswa icala lenkohlakalo.

UMnangagwa uthi ukhethe uMnu Chiwenga ukuze akhokhele imizamo yokulwisana leCoronavirus.

Kodwa umsekeli wesikhulumeli seMDC Alliance uthi ngaphandle kokwephula isisekelo sombuso welizwe, uMnangagwa ukhethe umuntu ovele ezigulela otshona egijimela ukuyakwelatshwa kwele China.

please wait

No media source currently available

0:00 0:02:21 0:00


Isikhulumeli sikahulumende uMnu Nick Mangwana, ephendulana lesikhulumeli sebandla leMDC Alliance uNkosazana Fadzai Mahere enkundleni yeTwitter, uthe okwenziwe nguMnangagwa kusemthethweni.

NgoMvulo uMnangagwa ukhethe isotsha uMnu Jasper Chimedza ukuba ngunobhala kugatsha lwezempilakahle lolu.

Lokhu kutsho ukuthi ugatsha lolu solukhokhelwa ngamabutho nanku uChiwenga laye wayelisotsha, kutsho abanye. Ukuhlaziya loludaba sixoxe lengcwethi kwezombusazwe uMnu Effie Dlela Ncube.

please wait

No media source currently available

0:00 0:02:04 0:00


Facebook Forum

XS
SM
MD
LG