Abaphathintambo kanye labakhokheli bamazwe akumanyano weSADC bayahlangana namuhla kulandela umbuthano wayizolo owe Organ Troika obuhlaziya indlela zokulondoloza ukuthula eDemocratic Republic of Congo le Mozambique.
EleZimbabwe yilo ebelikhokhela umhlangano wayizolo, oqhutshelwe ebulenjini owe virtual meeting, njalo amanye amazwe aphatheke kulumhlangano ngaweBotswana, Zambia, Tanzania, South Africa, leMalawi.
Lokhu kuvezwe lugatsha lukahulumende olubona ngobudlelwano lamanye amazwe olwe Ministry of Foreign Affairs and International Trade njalo kwenzekala abanye elizweni besithi kufanele umanyano weSADC loweAfrican Union uxazulule ingxabangxoza eseZimbabwe, kulandela ukubotshwa lokutshaywa kwabacatshangelwa ukuthi bebeqoqa ukutshengisela.
Kulandela njalo amazwi kamongameli Emmerson Mnangagwa izolo, awokuthi uhulumendeuzaqhubeka elondoloza ukuthula ngokubopha abamabandla aphikisayo labanye athe ngabahlamuki ngoba kuyibo abawisa umnotho welizwe ngezenzo zabo.
Ukuhlaziya loludaba, uSithandekile Mhlanga weStudio 7 uxoxe loMfundisi Anglistone Sibanda, yena ogcizelela ukuthi ingxabangxoza eseZimbabwe ayikafiki ezingeni laleyo ese Mozambique, lapho osokulabahlamuki, kumbe eseDRC.
