amalinks wokungena

Breaking News

EleMelika Lethesa uTagwirei Lenkampani Yakhe yeSakunda Holdings Izijeziso Zenotho


EleMelika ngoLwesithathu lethese umcebisi kaMongameli Emmerson Mnangagwa uMnu Kudakwashe Tagwirei izijeziso zenotho lisithi ungomunye wabantu abaphatheke kumisebenzi yenkohlakalo kanti njalo uncedisa uhulumende ukuhlukuluza uzulu lokwephula amalungelo akhe.

Inkampani kaTagwirei eyeSakunda Holdings layo yetheswe izijeziso ngesizatho esifanayo.

Obona ngobudldlwano beMelika lamanye amazwe uMnu Mike Pompeo, eloba enkundleni yeTwitter, uthe izijeziso lezi ziveza sobala ukuthi iMelika isekela umbuso okhululekileyo eZimbabwe kanti njalo ayisoze ibukele ilizwe libulawa ngenkohlakalo.

Embikweni wayo, ihofisi yeU.S. Department of the Treasury’s Office of Foreign Assets Control ithe umontho weZimbabwe uyadilika nje kungenxa yabantu abakhohlakeleyo abafana loTagwirei lezinye iziphathamandla zikahulumende weZanu PF.

“UTagwirei labanye abasezihundleni eziphezulu eZimbabwe yibo abenqabela ukuthuthuka komnotho weZimbabwe njalo balimaza uzulu ngenkohlakalo,” kutsho isiphathamandla seMelika uMnu Justin G. Muzinich.

UMnu Muzinich uthe njalo bethule izijeziso lezi ngalesisikhathi lapho okukhunjulwa khona abantu ababulawa libutho mhlaka 1 ngoNcwabakazi 2018 ngoba kulokhu kungelamuntu osebotshiwe phezu kwaloludaba.

UTagwirei ungena kuluhlu lwezijeziso zeMelika eyazethesa amankampani alobudlelwano leZanu PF lamanye amalunga alelibandla agoqela yena uMongameli Mnagagwa.

UTagwirei yena uqume ucingo lwakhe eze efonelwe yilumsakazo. Asenelisanga njalo ukukhuluma lesikhulumeli sikahulumende uMnu Nick Mangwana.

Ukuhlaziya loludaba sixoxe lengcwethi kwezombusazwe uMnu Effie Dlela Ncube yena othi bekuvele kudingeka ukuthi uTagwirei etheswe izijeziso ngoba esenza imisebenzi engalunganga.

please wait

No media source currently available

0:00 0:02:12 0:00

Facebook Forum

XS
SM
MD
LG