WASHINGTON D.C —
Ibandla leMDC-T lilandula imbiko ethi liphakathi komqhudelwano wesigodlo sebandla eHarare ebesesithiwa selisezandleni zikanobhala jikele webandla, uMnu. Douglas Mwonzora.
Imbiko le eyethulwe ngamaphephandaba obulembu be Internet ibisithi uMwonzora ubesevimbe amahofisi la esithi umkhokheli webandla leli unkosikazi thokozani khupe lenye inkokheli babengasamelanga bangene emahofisini la.
Limbiko ibisithi njalo kulokungazwani kulelibandla kubangelwa yikubandlulwana ngemihlobo.
Sixoxe lesikhulumeli salelibandla, uMnu. Khaliphani Phugeni ukuze sizwe okunengi ngaloludaba.