amalinks wokungena

Breaking News

U.S.A: Izijeziso zikaKuda "Queen B" Tagwirei Azisoze Ziphazamise Ubudlelwano Bamazwe Ethu


Unobhala wobudlelwano lamanye amazwe, uMnu. Mike Pompeo.

Isigodlo someli weleMelika eZimbabwe sithi izijeziso zenotho ezetheswe umcebisi kaMongameli Emmerson Mnangagwa, uMnu Kudakwashe Tagwirei lenkampani yakhe yeSakunda Holdings yiMelika izolo aziphazamisi ubudlelwano kwezamabhizimusi phakathi kwamazwe womabili kodwa ziqondiswe kumazetheswa lenkampani yakhe.

EleMelika lifakele uTagwirei izijeziso lezi lisithi ungomunye wabantu abaphatheke kumisebenzi yenkohlakalo kanti njalo uncedisa uhulumende ukuhlukuluza uzulu lokwephula amalungelo akhe.

Obona ngobudlelwano beMelika lamanye amazwe uMnu Mike Pompeo uthe ilizwe lakhe alisoze ligoqe izandla lisekela uhulumende weZanu PF esephula amalungelo oluntu.

Isigodlo seMelika eZimbabwe laso sethule umbiko waso enkundleni yeTwitter sisithi ukuthenga amathalakitha kunkampani yeMelika iJohn Deer okwenziwe yiZimbabwe kunyanga ezisanda kwedlula kuveza sobala ukuthi izijeziso ezetheswa amalunga eZanu PF lamankampani alobudlelwano lalelibandla azijonganga uzulu njalo aziphazamisi inhlelo zokuthengiselana.

Sengeze sathi nxa eleZimbabwe lizimisele ukuhuga abatshali bezimali kumele lilethe inguquko kwezombusazwe lakwezenotho ezihlupha uzulu.

Amalunga eZanu PF akuluhlu lwezijeziso zeMelika angamatshumi ayisitshiyangalombili lantathu 83, kuthi amankampani alobudlelwano lalelibandla wona angamatshumi amathathu lasikhombisa.

Asenelisanga ukukhuluma lesikhulumeli sikahulumende uMnu Nick Mangwana loTagwirei ngokwakhe ngoba uqume ucongo lwakhe. Ukuhlaziya loludaba sixoxe lengcwethi kwezombusazwe uMnu Dumisani Nkomo.

please wait
Embed

No media source currently available

0:00 0:02:40 0:00


Facebook Forum

XS
SM
MD
LG