amalinks wokungena

Breaking News

Bafika Phose Ikhulu Ababanjwe Umkhuhlane weCovid-19 eZimbabwe Izolo


Unkosazana Esther Vongai Zimudzi womkhankaso we Present-Danger #Coronavirus Zimbababwe Campaign

Ugatsha lwezempilakahle luthi baphose bafike ikhulu, 99, abantu ababanjwe umkhuhlane weCovid-19 eZimbabwe izolo.

Abangamatshumi phose ayisikhombisa, 68, babantu laba ngabathole umkhuhlane lo phakathi elizweni kuthi abangamatshumi amathathu lane bavele lawo kweleSouth Africa.

Kulabangamatshumi phose ayisitshiyagalolunye, 87, abasindileyo. Lokhu kukhuphule inani labantu asebephephile kumkhuhlane weCoronavirus laya ku1524.

Asebebanjwe lumkhuhlane elizweni lonke selokhu waqhamukayo sebengu4748. Asebefile balikhulu lane.

Ezwekazi leAfrica umanyano weAfrican Union uthi umkhuhlane lo usubulele abantu abangu23,278 njalo wahlasela abangu1,048,600.

Umphathintambo obona ngendaba zabesifazana lamabhizimusi amancane, uNkosikazi Sithembiso Nyoni, ongumeli njalo weNkayi North edale lephalamende uthi umkhuhlane lo uyamemetheka kakhulu eZimbabwe ngoba kulabanye abalokhu bengathembi ukuthi ukhona.

please wait

No media source currently available

0:00 0:02:40 0:00

Facebook Forum

XS
SM
MD
LG