amalinks wokungena

Breaking News

Sebengu-4818 Asebebanjwe Umkhuhlane weCovid-19 eZimbabwe


Kulabantu abangamatshumi ayisikhombisa, 70, ababanjwe umkhuhlane weCovid-19 eZimbabwe izolo.

Lokhu kukhuphule inani lasebefunyelwe belomkhuhlane lo elizweni laya phose kunkulungwane ezihlanu, 4818.

Ugatsha lwezempilakahle luthi bonke ababanjwe lumkhuhlane izolo bawuthole phakathi elizweni. Luthi njalo kulabangamatshumi amabili abafunyanwe sebepholile.

Lokhu kutsho ukuthi inani lasebephephile kumkhuhlane weCoronavirus selokhu waqhamukayo elizweni selikhwele laya phezu kwenkulungwane eyodwa elamakhulu amahlanu, 1544.

Isibhedlela seMelika eseJohn Hopkins University sithi emhlabeni wonke jikelele umkhuhlane lo usuhlasele abantu abedlula izigidi ezingamatshumi amabili, 20,1 million njalo wabulala abangu738,266.

EleMelika yilo elihamba phambili ngabangtu asebefile lasebebanjwe ngumkhuhlane lo lilandelwa ngeleBrazil.

Facebook Forum

XS
SM
MD
LG