'Inzalo yeZimbabwe Ehlala eSouth Africa Izimisele Ukuyatshengisela eBeitbridge'

Inengi lezizalwane zeZimbabwe ezihlala kweleSouth Africa libikwa lisithi lizimisele ukuyatshengisela emngceleni weBeitbridge njengalokho okwakhuthazwa ngumkhokheli webandla eliphikisayo eleEFF uMnu Julius Malema.

Ekhuluma ngoMgqibelo, uMalema ukhuthaze abasakhulayo beZimbabwe ukuthi baphakame balwele inkululeko yabo hatshi ukubanga umsindo enkundleni zokuxhumana kuphela.

UMalema wethule amazwi la ngesikhathi inengi likhala ngokuthi uhulumende kaMongameli Emmerson Mnangagwa uhlukuluza abantu njalo wephula amalungelo abo.

UMnu Malema wathi njalo ibandla lakhe lifuna kuvalwe isigodlo seZimbabwe eSouth Africa andubana uMnangagwa aze awahloniphe amalungelo oluntu.

Kodwa uMnangagwa uyawalandula wonke amacala awetheswayo esithi imbiko le ingamanga amemethekiswa yizitha zakhe ezizama ukumgenqula ngodlakela.

Umgcinisihlalo wenhlanganiso emela abokuza kweleSouth Africa eyeAfrican Diaspora Forum uMnu Vusumuzi Sibanda utshele lumsakazo ukuthi zinengi izizalwane zeZimbabwe eseziveze ukuzimisela ukuyatshengisela emngceleni weBeitbridge.

Embed share

Ingxoxo loMnu Vusumuzi Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:58 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala