amalinks wokungena

Breaking News

Kufe Abangamatshumi Phose Amabili ngeCovid-19 eZimbabwe Izolo


Osebenza eWilkins Hospital utshengisa amalunga edale lephalamende akwenza eWilkins Hospital lapho okuhlolwa abantu abalemikhuhlane enjenge coronavirus. (Photo: Mlondolozi Ndlovu)

Kulabantu abangamatshumi phose amabili, 18, ababulawe ngumkhuhlane weCovid-19 elizweni izolo.

Ugatsha lwezempilakahle luthi abalitshumi lasithupha babantu laba bebehlala eHarare. Oyedwa ngoweManicaland kuthi omunye njalo ngoweMidlands.

Lokhu kukhweze inani labantu asebebulewe yiCoronavirus kuleli laya kukhulu elilamatshumi amabili lambili, 122.

Ababanjwe lumkhuhlane izolo bangamatshumi ayisikhombisa lanhlanu, 75. Bonke ngabawuthole eZimbabwe ngaphandle nje koyedwa ovele lawo kweleSouth Africa.

Inani lasebefunyenwe belomkhuhlane lo selokhu waqhamukayo seliku-4893.

Kulabanye abangamatshumi ayisikhombisa lasithupha, 76, abafunyanwe sebesindile izolo. Lokhu kukhuphule inani lasebephephile laya ku-1620.

Isiphathamandla senhlanganiso yeBulawayo Vendors and Traders Association uMnu Michael Mdladla Ndiweni utshele iStudio 7 ukuthi ukuqansa kwenani lababulawa ngumkhuhlane lo kuyethusa.

please wait

No media source currently available

0:00 0:02:42 0:00

Inhlanganiso yeAfcrica Centers for Disease Control and Prevention ithi ezwekazi leAfrica umkhuhlane weCovid-19 usubulele abantu abedlula inkulungwane ezingamatshumi amabili, 23,886 njalo wahlasela abedlula isigidi, 1,066,505.

EleSouth Africa yilo elikhokhelayo ngenani lasebebanjwe lumkhuhlane abangu-566,109 kanye lasebefile abangu10,751.

Kodwa ukumemetheka kwawo kulelolizwe kubikwa sokusehla kulezinsuku.

Kulezizalwane zeZimbabwe ezinengi ezihlala eSouth Africa ezitshona zibanjwa lumkhuhlane ekuphendukeni kwazo ekhaya.

Isizalwane seZimbabwe esihlala kulelolizwe, uMnu Denis Juru utshele iStudio 7 ukuthi ngempela umumo usunganeno eSouth Africa.

please wait
Embed

No media source currently available

0:00 0:02:11 0:00

Facebook Forum

XS
SM
MD
LG