amalinks wokungena

Breaking News

Amagqwetha Amela uHopewell Chin'ono Akhala Ngokuhlukuluzwa Nguhulumende


Hopewell Chin’ono Lawyers
Hopewell Chin’ono Lawyers

Inhlanganiso yamagqwetha alwela amalungelo kazulu, eyeZimbabwe Lawyers for Human Rights ithi izamangalela amapholisa ngokuhlukuluzwa kwamagqwetha amela intathelizindaba evalelwe ejele, uHopewell Chin’ono.

Lokhu kulandela ukutheleka kwamapholisa izolo phandle kwehofisi kaNkosazana Beatrice Mtetwa, omunye wamagqwetha kaChin’ono ehlabela njalo ebanga umsindo obikwa ubujonge ukumethusela.

Emthethwandaba lakho uMtetwa uthwaliswe nzima ngumtshutshisi esithi akumelanga amele uChin’ono ngoba esithi uveze obekusenzakala emthethwandaba ekhasini lakhe leFacebook.

Kodwa uMtetwa ukulandule lokhu esithi ayisuye njalo akekho enkundleni zokuxhumana.

Elinye lamagqwetha alwela amalungela, uMnu Chris Mhike utshele lumsakazo ukuthi bazakhweza loludaba emapholiseni namuhla.

Kodwa uthe abalathemba lokuthi kuzathathwa manyathelo bani njengoba abasolwa kungamapholisa.

Elinye njalo igqwetha uMnu Tinashe Runganga utshele iStudio 7 ukuthi amagqwetha akhathazekile kakhulu ngendlela aphathwa ngayo nguhulumende lamapholisa kulezinsuku.

please wait

No media source currently available

0:00 0:03:05 0:00

XS
SM
MD
LG