amalinks wokungena

Breaking News

Kubhubhe Abayisithupha ngeCovid-19 eZimbabwe Izolo, Asebefile Bonke Sebengu-128


Coronavirus, Zimbabwe

Inani labantu asebebulewe ngumkhuhlane weCovid-19 eZimbabwe likhwelile njalo laya kukhulu elilamatshumi phose amathathu, 128, ngemva kokubhubha kwabantu abayisithupha izolo.

Ugatsha olubona ngezempilakahle luthi abathathu babantu laba ngabeManicaland kuthi oyedwa ngowakoBulawayo. Omunye ngoweMashonaland Central njalo omunye ngoweMashonaland West.

Ababanjwe lumkhuhlane izolo baphose bafike ikukhulu, 97, njalo bonke bawuthole eZimbabwe. Lokhu kukhuphule inani lasebefunyenwe beleCovid-19 selokhu yaqhamukayo laya ku-4990.

Inani lasebephephile lona likhuphuke laya ku-1927 ngemva kokutholakala kwabangamakhulu edlula amathathu, 307, sebesindile.

Ukukhwela kwenani lababanjwa lumkhuhlane labafayo kuza ngesikhathi uhulumende esithi usengezelele imali yokuthi izisebenzi zakhe kanye labakumpentsheni bethole imali yokubasiza ngalesi sikhathi seCovid-19, phezu kweholo labo njengokuthembisa kwakhe.

Ugatsha olubona ngezemali lwethule umbiko izolo ntambama lucela amabhanga ukuthi ancedisane lohulumende ekutholiseni abantu laba limali.

Isikhulumeli seAmalgamated Rural Teachers Union of Zimbabwe uMnu Nation Mudzitirwa utshele iStudio 7 ukuthi lanxa bewamukela ama-allowance la, bafuna uhulumende akhuphule iholo labo njalo ababhadale ngemali yeMelika.

please wait

No media source currently available

0:00 0:02:42 0:00

Facebook Forum

XS
SM
MD
LG