amalinks wokungena

Breaking News

Kubhubhe Ababili ngeCovid-19 eZimbabwe Izolo, Asebefile Bonke Sebengu-132


Osebenza eWilkins Hospital utshengisa amalunga edale lephalamende akwenza eWilkins Hospital lapho okuhlolwa abantu abalemikhuhlane enjenge coronavirus. (Photo: Mlondolozi Ndlovu)
Osebenza eWilkins Hospital utshengisa amalunga edale lephalamende akwenza eWilkins Hospital lapho okuhlolwa abantu abalemikhuhlane enjenge coronavirus. (Photo: Mlondolozi Ndlovu)

Inani labantu asebebulewe ngumkhuhlane weCovid-19 eZimbabwe likhuphukile njalo izolo laya kukhulu elilamatshumi amathathu lambili, 132, ngemva kokubhubha kwabantu ababili.

Ugatsha olubona ngezempilakahle luthi oyedwa wabantu laba ngowakoBulawayo kuthi omunye ngoweManicaland.

Ababanjwe lumkhuhlane izolo njalo bangamatshumi ayisitshiyangalombili lanhlanu, 85.

Ngaphandle kwabane kuphela abavele lomkhuhlane lo kweleSouth Africa, abanye bonke bawuthole eZimbabwe.

Lokhu kukhuphule inani lasebefunyelwe beleCoronavirus kuleli laya ku5261.

Asebesindile bakhwele ngamatshumi amane lanhlanu baya ku2092.

Ezwekazi leAfrica Khona, inhlanganiso yeAfrica Centers for Disease Control and Prevention ithi umkhuhlane lo usubulele abantu abangu25,356 njalo wahlasela abangu1,110,53.

Emhlabeni jikelele usubulele abangu772,284 njalo wahlasela abantu21,7 million.

XS
SM
MD
LG