Umhlangano womanyano weSADC, othiwa ordinary summit of heads and government ngesilingu, uqale ngoMvulo usenziwa ebulenjini be Internet ukhokhelwa ngumongameli weleMozambique, uMnu. Phillipe Nyusi osethethe lesi sikhundla ebesiphethwe ngumongameli John Magufuli wele Tanzania.
Lanxa bebekhona kade bekhanelele ukuthi lumhlangano uzaxoxa ngokwenzakala eZimbabwe kubikwa kungekho kuluhlu lwenkulumo ezizahliziywa.
Udaba olumqoka kulumhlangano ngolwabahlamuki bohlobo lwesiMoslem olwedlulise amalawulo ababikwa sebehluthune elinye idolobho kwele Mozambique. Kulokwesabela ukuthi abahlamuki laba bengasabalala isigaba sonke somhlubulo wezwekazi le Africa.
Umongameli Nyusi ubikwa ecele ele Zimbabwe elake layalwisana labahlamuki be Renamo, ukuthi lithumele njalo ibutho. Kodwa umongameli Emmerson Mnangagwa yena ubikwa esithi ufuna kuthunyelwe ibutho elivela kumanyano we SADC hatshi ilizwe le Zimbabwe kuphela.
Ukuhlaziya loludaba uChris Gande weStudio Seven uxoxe lengcwethi ecubungula ezombusazwe, uMnu. Zenzo Nkomo waqala ngokumbuza ukuthi kungani kungakhulunywa ngodaba lwe Zimbabwe?