amalinks wokungena

Breaking News

Ziyanda Inhlanganiso Ezisola Umbuso weZanu PF Lokuthukwa Kwabafundisi beRoma nguMutsvangwa


Ziyanda inhlanganizo esezethule imbiko zisola uhulumende weZanu PF zisithi wephula amalungelo oluntu njalo zisekela abafundisi besonto yeRoma abethule umbiko ofanayo ngoLwesihlanu.

Abafundisi laba bahlambazwe ngumphathintambo obona ngokwethulwa kwembiko uNkosikazi Monica Mutsvangwa ngemva kokuloba incwadi betshela uhulumende ukuthi kumele atshiyane lokuhlukuluza abantu.

UMongameli Emmerson Mnangagwa yena ukhangelelwe ukwethula umbiko wakhe namuhla phezu kwencwadi yabafundisi laba abayilobe phansi komanyano weZimbabwe Catholic Bishops Conference (ZCBC) ngoLwesihlanu besithi uzulu sethwele nzima ngokuhlukuluzwa ngokuhulumende wakhe.

UNkosikazi Mutsvangwa ucunule abanengi ngokuhlambaza abafundisi laba esithi balomoya kasatane.

Ukhethe njalo umkhokheli weZCBC uArchibishop Robert Ndlovu esithi uzenza isikhulumeli saMaNdebele, wona athi malutshwana eZimbabwe lokuthi amanye azenza angcwele.

Lanxa incwadi le yasayinwa ngabafundisi abayisikhombisa, uMutsvangwa ukhethe uNdlovu wamqamba ngegama esithi uzama ukulwisanisa uzulu weZimbabwe ngemihlobo ngokukhuluma ngodaba lweGukurahundi.

UMutsvangwa utshele iStudio 7 ngeSonto ukuthi uma ngamazwi akhe, wona athi ajonge ukwakha hatshi ukudiliza.

Unobhala kugatsha lokwethulwa kwemibiko uMnu Nick Mangwana, eloba enkundleni yeTwitter uthe uMnangwa uzakwethula umbiko ojulileyo ngokuphathelane lalincwadi namuhla.

Inhlanganiso ezimela amaKhristu emhlabeni jikelele ezibalisa iWorld Council of Churches, iWorld Methodist Council, iWorld Communion of the Reformed Churches kanye leyethe Lutheren World Federation zethule umbiko zibambene izolo zisithi zima lozulu weZimbabwe njalo zisola ezithi yikwephulwa kwamalungelo nguhulumende.

Inhlanganiso zakuleli lazo ezifana leZimbabwe Christian Alliance, iEvangelical Fellowship of Zimbabwe, iZimbabwe Lawyers for Human Rights, iZimbabwe Council of Churches lazo zethule eyazo imbiko zisekela uArchbishop Ndlovu lenhlanganiso yakhe njalo zichothoza uMnangagwa phezu kwamalungelo.

Umgcinisihlalo weMDC Alliance enyakatho yeMaNdebeleni njalo emela iBinga North edale lephalamende uMnu Prince Dubeko Sibanda usole amazwi kaMutsvangwa esithi njalo amalunga ebandla lakhe asethwele nzima ngokuhlukuluzwa nguhulumende.

please wait

No media source currently available

0:00 0:02:25 0:00

Ilunga leZanu PF uMnu Believe Gaule laye osole amazwi kaMutsvangwa esithi ehlukanisa abantu. Kodwa ukulandule ukuthi kulokwephulwa kwamalungelo nguhulumende.

please wait

No media source currently available

0:00 0:02:45 0:00

Umkhokheli webandla leMthwakazi Republic Party uMnu Mqondisi Moyo yena utshele iStudio 7 ukuthi amazwi kaMutsvangwa aveza sobala ukuthi kungani ibandla lakhe lifuna ilizwe liqunywe phakathi.

please wait

No media source currently available

0:00 0:02:39 0:00

Facebook Forum

XS
SM
MD
LG