amalinks wokungena

Breaking News

Imali Eyathenjiswa Osomabhizimusi Ekuqaleni Kwe Coronavirus Lanamuhla Dololo!


Abaphila ngokuthengisa ezitaladeni.

Abamabhizimusi amancane labaphila ngokuthengisa ezitaladeni abathenjiswa imali yokubaphathisa ngalesi sikhathi ilizwe libhekane logubhano lwe coronavirus elokhu engakatholi loluncedo osekuzatshiya amanye amabhizimusi la esemi ngamadolo kumbe khona ukutshabalala.

Umphathintambo wezemali, uMnu. Mthuli Ncube wazisa kunyanga ezilutshwana ezisanda kwedlula ukuthi uhulumende usesungulu isikhwama semali edlula amadola ayizigidi ezingamatshumi alitshumi lasithupha esokuphathisa amabhzimusi amancane ngemali.

Kodwa isiphathamandla senhlanganiso sabaphila ngokuthengisa ezitladeni eye Bulawayo Vendors and Traders’ Association, uMnu. Michael Ndiweni uthi akula ngitsho loyedwa osethole loloncedo.

Amanye amazwe afana lele South Africa aphathise amabhizimusi amancane kunye lezizalwane zalelolizwe ngocedo lwemali ngalesi sikhathi segcikwane lecoronavirus.

Incwethi ecubungula ezenotho, uMnu. Masimba Kuchera uthi zinengi inhlangothi zomphakathi ezazithenjiswe uncedo lwemali.

UNdiweni uthi kulembiko ethi bakhona abayithola limali lanxa limbiko ingacaci.

Kambe kungaba kubangelwa yini ukuthi uhulumende engafezi izithembiso zakhe ngalesi sikhathi sokuvalwa kwelizwe? Sibuze uKuchera lumbuzo?

Imizamo yokukhuluma lomphathintambo wamabhizimusi amancane, uNkosikazi Sithembiso Nyoni yehlule.

please wait

No media source currently available

0:00 0:05:11 0:00


Facebook Forum

XS
SM
MD
LG