amalinks wokungena

Breaking News

Likhululwe Ipholisa Eletheswa Icala Lokubulalela Umsekeli weMDC Alliance Ukudla


Supporters of MDC (Movement for Democratic Change Alliance) leader and opposition presidential candidate cheer outside the MDC headquarters in Harare, on July 31, 2018.

Kudaba olutshiye abanye ePlumtree bekhuza umhlola njalo bethukuthele, ipholisa lesigaba eletheswa icala lokubulala umsekeli webandla leMDC Alliance eGwambe, uMnu Mazwi Joseph Ndlovu, libikwa seliphumile entolongweni.

UNdlovu ubikwa watshaywa lipholisa leli lincedisana labasekeli beZanu PF ngemva kokukhonona ngokuthi kungani ukudla okwabelwa uzulu nguhulumende ngesikhathi lesi seCovid-19 kuphiwa abasekeli bebandla elibusayo kuphela.

Watshaywa walimala kakubi wathwalelwa esibhedlela koBulawayo lapho afele khona kumaviki asanda kwedlula.

Kulelinye njalo ipholisa lePlumtree elimiswe emthethwandaba ngoMvulo lisetheswa icala lokutshotshozela amanye amapholisa lamasotsha ukuthi engabophi abantu ngesikhathi sokutshengisela okwakuqoqwe ekupheleni kwenyanga edluleyo.

UConstable Levias Ngwenya ubikwa waloba lumbiko enkundleni yeFacebook.

Umgcinisihlalo weMDC Alliance eMatabeleland South, uMnu Solani Njemnyama Moyo ufakazele lumsakazo ukuthi amapholisa ePlumtree aseke waxoxa lawo athi kasafuni kubopha abantu abatshengisela ngokuthula ngoba lawo aphatheke kubi ngomumo welizwe.

please wait

No media source currently available

0:00 0:02:02 0:00

Imizamo yokukhuluma lesikhulumeli samapholisa eMatabeleland South, uMnu Philisani Ndebele yehlule ngoba ubengadobhi ucingo lwakhe.

Sehlulekile njalo ukukhuluma lomeli weBulilima East edale lephalamende uMnu Nqobizitha Ndlovu obethwe ngegama nguMoyo kudaba lokutshona kukaMnu Ndlovu.

Facebook Forum

XS
SM
MD
LG