Umhlangano omqoka webandla leDmocratic Party eleMelika uqhubeke izolo ulenjongo yokuveza ukuthi uMnu. Joe Biden, ozancintisa umongameli Trump, yena uvele engubani njalo ozaphatha njani isikhundla nxa engakhethwa ukuba ngumongameli.
Ngokunjalo, unkosikazi wakhe, ukubeke sobala ukuthi uBiden ngumuntu olesineke lozwelo okokuthi engakhethwa ukuba ngumongameli uzaphatha lesi sikhundla ngonanzelelo.
UBiden ukhethwe okusemthethweni izolo.
Omunye njalo omqoka okhulume kulumbuthano ngowayengumongameli weleMelika, uMnu. Bill Clinton okhuthuze abasakhulayo ukuthi baphatheke kwezombusazwe. Namuhla abamqoka abazakhuluma ngowayengumonameli, uMnu. Barack Obama lowakhethwa ukuba ngumsekeli kaMnu. Biden, uNkosikazi Kamala Harris.
Lumhlangano ubumele wenzelwe edolobheni le Milwaukee kodwa ngenxa yegcikwane le coronavirus inengi leziphathamandla zebandla leli zizethula imbiko yazo ebulenjini be Internet.
Lumhlagano uzagqitshwa ngoLwesine. Ukuhlaziya loludaba uChris Gande weStudio Seve uxoxe lesizalwane seZimbabwe esesihlala ngapha kweleMelika, uMnu. Raphael Mthombeni.
