Kuloyedwa obulawe ngumkhuhlane weCovid-19 eZimbabwe izolo, okukhuphule inani lasebefile laya kukhulu elilamatshumi amahlanu lanye, 151.
Obhubhileyo lo ngoweMasvingo njalo uba ngowesibili ukubulawa ngumkhuhlane lo kulesi sabelo.
Ugatsha lwezempilakahle luthi abafunyanwe belomkhuhlane lo izolo njalo balikhulu lambili, 102.
Lokhu kukhuphule inani lasebebanjwe iCoronavirus kuleli laya ku5745.
Inani lasebephephile likhwelile lalo laya phezu kwenkulungwane ezine, 4525, ngemva kokuphola kwabantu abangamatshumi ayisitshiyagalombili lantathu, 83.
Idolobho leHarare yilo elikhokhelayo ngenani lasebebanjwe lumkhuhlane lasebefile lilandelwa ngelakoBulawayo.
Inhlanganiso yeAfrica Centers for Disease Control and Prevntion ithi ezwekazi leAfrica umkhuhlane lo usubulele abantu abedlula inkulungwane ezingamatshumi amabili, 26,664 njalo wahlasela abangu1,148,849.
Emhlabeni jikelele usuhlasele abangu22,821,000 njalo wabulala abangu796,000.