amalinks wokungena

Breaking News

Ukubotshwa Mahlayana Lokuhlukuluzwa Kwabasola Umbuso weZanu PF Kuyaqhubeka


FILE - Police arrest a health worker during a protest against economic hardship and poor working conditions during the coronavirus disease (COVID-19) outbreak in Harare, Zimbabwe, July 6, 2020.

Ukubotshwa mahlayana kwabantu abasola umbuso weZanu PF abagoqela amalunga ebandla leMDC Alliance kanye labenhlanganiso ezilwela amalungelo kazulu kuyaqhubeka.

Omunye wabadingwa ngamapholisa ngumeli weBinga North edale lephalamende, yena olilunga leMDC Alliance, uMnu Prince Dubeko Sibanda.

USibanda uthi utshayelwe ucingo ebizwa ngamapholisa akoBulawayo ngemva ukubonakala enikeza izisebenzi zevinkilini lakoHyper ama-mask ayelotshwe umbiko wokuthi ibandla leZanu PF kumele lisuke embusweni, kumbe ‘#ZanuPFMustGo.’

Amanye amalunga eMDC Alliance abikwa edingwa ngamapholisa agoqela uMnu Job Sikhala, lanxa nje amapholisa ebikwa etshele amagqwetha akhe ukuthi akamdingi.

UMnu Sibanda uthi utshayele isikhulumeli samapholisa ucingo uMnu Paul Nyathi embuza ukuthi kulicala na ukupha umuntu i-mask ebhalwe ukuthi iZanu PF kumele isuke embusweni ukuze ahambe emapholisani eseleqiniso lokuthi ngempela wadala icala.

USibanda utshele iStudio 7 ukuthi uNyathi wathembisa ukumfonela lempendulo kodwa uthi ulokhu emelele.

please wait

No media source currently available

0:00 0:02:21 0:00

Asenelisanga ukukhuluma lamapholisa ngaloludaba.

Ukuzingelwa kwalabo abachothoza umbuso weZanu PF kuza ngesikhathi inhlanganiso zenkolo lezamalungelo ezigoqela iHuman Rights Watch, iUnited Nations, African Union, Zimbabwe Catholic Bishops Conference lezinye zisithi uhulumende weZanu PF kumele atshiyane lokwephula amalungelo kazulu.

EleSouth Africa lalo libikwa lilakho ukuthumela njalo iqula lalo eHarare ukuyahlangana labakhokheli bamabandla aphikisayo kanye labenhlanganiso ezizimeleyo ngokuhluphayo eZimbabwe lokuthi kungalungiswa njani.

Iqula leli beliseHarare kumaviki asanda kwedlula lapho elihlangane khona loMongameli Emmerson Mnangagwa, yena obikwa walitshela ukuthi kumele liziphendukele lingahlangananga labamabandla aphikisayo ngoba esithi akulahlupho eZimbabwe.

Uhulumende laye uqina ngokuthi akulahlupho elizweni lanxa nje abanengi besithi kusobala ukuthi lukhona.

Ocubungula ezombusazwe uMnu Shepered Mpofu utshele iStudio 7 ukuthi isisombululo kudaba lweZimbabwe yikuthi kubunjwe uhulumende wenkazatho kumbe uhulumende ozaphatha okwesikhatshana.

UMpofu wengeze wathi uhulumende lo kumele abunjwe hatshi ngabezombusazwe kuphela kodwa kumele agoqele abenhlangothi zonke zempilo.

please wait

No media source currently available

0:00 0:03:35 0:00

Facebook Forum

XS
SM
MD
LG