amalinks wokungena

Breaking News

Ukhansila weMDC Alliance Obecatshile Utholakala Efile, Ngapha loJob Sikhala Laye Obecatshile Usebotshiwe


UMnu. Job Sikhala (S. Mhofu/VOA)

Ilunga lebandla leMDC Alliance, uMnu. Lovender Chiwaya, obengumgcinisihlalo wesigaba se Hurungwe Central utholakale efile namuhla duze lomuzi wakhe eKaroi ekhululwe impahla.

Umsekeli wesikhulumeli sebandla leli, uMnu. Felix Mafa uthi uChiwaya ngomunye wababaleka emzini yabo phambilini kombhikitsho owawuqoqwe ukwenziwa ekupheleni kwenyanga edluleyo kodwa awusaphumelelanga mgemva kokwenqatshsela ngamapholisa lamasotsha.

Isimanga yikuthi isidumbu sika Chiwaya sitholakale singelanxeba ngitsho lelilodwa kodwa emlonyeni bekulamagwebu okubangele ukuthi abanye bacabangele ukuthi mhlawumbe udliswe itshefu.

Umnewabo ka Chiwaya, uMnu. Johannes Chiwaya utshele iStudio Seven ukuthi bathole impahla kamuyi ebalisa imali locingo lukamakhalekhukwini eduze lesidumbu.

Kunjalo nje, umsekeli kamgcinisihlalo walelibandla, uMnu. Job Sikhala uze wabotshwa ngamapholisa namuhla ngemva kokubaleka emuzini wakhe laye edingwa.

UChris Gande weStudio Seven uxoxe lo Mafa ngodaba lokubulawa kuka Chiwaya.

please wait

No media source currently available

0:00 0:02:15 0:00


Facebook Forum

XS
SM
MD
LG