amalinks wokungena

Breaking News

UJob Sikhala, Jacob Ngarivhume lo Hopewell Chin'ono Bamiswa Emthethwandaba Namuhla


Intathelizindaba uHopewell Chin'ono lomkhokheli webandla le Transform Zimbabwe, uMnu. Jacob Ngarivhume.

Abathathu abetheswa icala lokutshotshozela udlakela abathi umsekeli kamgcinisihlalo webandla leMDC Alliance, uMnu. Job Sikhala, umkhokheli we Tranform Zimbabwe, uMnu. Jacob Ngarivhume lentathelizindaba ezimeleyo, uHopewell Chin’ono bazamiswa emthethwandaba lamuhla.

UNgarivhume lo Chin’no sesebehlezi okwenyanga eyodwa estokisini belokhu bencitshwa ithuba lokuhlawula imali yesibambiso se bail.

USikhala uze wabanjwa ngamapholisa ngemva kwenyanga ewadenya. Kulokuphoselana aqatha phezu kokuba ngubani ongaba wamthengisa emapholiseni ukuze acine ebanjwa eHarare.

Kunjalo nje abalwela ilungelo loluntu kunye labamabandla ezombusazwe aphikisayo bathi amalunga abo elokhe ebotshwa mahlayana, ehlukuluzwa njalo ethunjwa ngabezomvikela besebenza ndawonye lamapholisa.

Umeli weBinga North edale lephalamende uMnu. Prince Dubeko Sibanda, owebandla leMDC Alliance, uthi umenywe ngamapholisa akoBulawayo kulandela ukubonakala kwakhe enikeza izisebenzi zevinkilini lakoHyper koBulawayo amalembu amabili ayelotshwe ukuthi ibandla leZanu PF lisuke embusweni: kumbe “Zanu PF must go” ngesilungu.

UMnu. Sibanda, utshele uSithandekile Mhlanga weStudio 7 ukuth usetshele igqwetha lakhe ngaloludaba.

Uthi wesabela impilo yakhe kulandela athi yikuthunjwa lokuhlukuluzwa kwabanye bakhe kanye labalwela ilungelo loluntu, yikho esakaze udaba lolu enkundleni yebulenjini obe Twitter.

please wait

No media source currently available

0:00 0:02:53 0:00


Facebook Forum

XS
SM
MD
LG