amalinks wokungena

Breaking News

UNkosikazi Melania Trump Kuzulu weMelika: Votelani Umyeni Wami Ngoba Uzimisele Ukulithuthukisa


Election 2020 RNC

Umhlangano webandla elibusayo eMelika oweRepublican National Convention uyaqhubeka ngoLwesithathu lapho umsekeli kaMongameli Donald Trump, uMnu Mike Pence, azakhokhela khona imizamo yokuhuga uzulu ukuthi avotele uTrump ngoLwezi.

UMonganeli Trump uzangqikilana loMnu Joe Biden owebandla eliphikisayo lamaDemocrats.

Abakhulume kulumhlangano ngoLwesibili ntambama bagoqela umkaTrump, uMelania yena okhalele abantu abalahlekelwe yizihlobo labangane ngenxa yomkhuhlane weCovid-19.

Usole njalo udaba lokubandlululwa kwabantu ngemihlobo eMelika esithi lo ngumkhuba omubi omele uphele.

UNkosikazi Trump ukhuthaze njalo labo abatshengiselayo ezitaladeni phezu kokubulawa mahlayana kwabantu abansundu ngamapholisa amhlophe ukuthi batshiyane lodlakela.

Uphinde wacela abantu ukuthi bavotele umyeni wakhe ngoba esithi ungumuntu ozimiseleyo ukuthuthukisa impilo kazulu wonke weMelika.

Omunye wabakhulume kulumhlangano ngunobhala obona ngobudlelwano beMelika lamanye amazwe, uMnu Mike Pompeo, yena oyethule amazwi akhe ekweleIsrael lapho ahamba khona ngomsebenzi.

Kodwa uPompeo usolwe ngabanye besithi umsebenzi wakhe awumvumeli ukuthi angenele kundaba zombusazwe ngalindlela lanxa elilunga leRepublican Party.

UMongameli Trump yena uvelile laye esigodlweni sakhe seWhite House lapho afungise khona abantu bokuza abahlanu ukuthi babe yizizalwane zeMelika.

Lokhu kusolwe njalo ngabanye besithi lanxa nje engephulanga mthetho, uTrump ubesesebenzisa ihosifi yakhe njengoMongameli welizwe ukudinga usekelo.

UMongameli Trump uzakwethula amazwi akhe ajulileyo ekugqitshweni kwalumhlangano ngoLwesine lapho azakutsho ukuthi kungani efuna abantu bambiyisele esihlalweni.

Ukuhlaziya loludaba sixoxe lesizalwane seZimbabwe esihlala khonapha eMelika uMnu Tim Muringai yena othi akakawuzwa umbiko ophume emhlanganweni lo olakho ukuhuga abasekeli bakaBiden ukuthi bavotele uTrump.

please wait

No media source currently available

0:00 0:02:19 0:00

Facebook Forum

XS
SM
MD
LG