Bill Clinton: Votelani uBiden Sikhuphe uTrump Embusweni

Ibandla eliphikisayo elamaDemocrats izolo likhethe uMnu Joe Biden ngokusemthethweni ukuthi abe nguye ozancintisa elimele kukhetho lukaMongameli ngoLwezi.

Lokhu kwenzakale kulanga lesibili lomhlangano walelibandla omkhulu oweNational Convention lapho okukhulume khona abantu abagoqela owake waba nguMongameli uMnu Bill Clinton bekhuthaza uzulu ukuthi avotele uBiden kususwe uMongameli Donald Trump embusweni.

Kusasa abakhangelelwe ukukhuluma kulumhlangano bagoqela owake waba nguMongameli njalo uMnu Barack Obama.

Abakhulume kuthange bagoqela uNkosikazi Michele Obama kanye lelunga lebandla lamaRepublicans uMnu John Kasich yena owake waba ngusibalukhulu weOhio.

Sixoxe lesizalwane seZimbabwe uMnu Den Moyo yena othi uxhaso lwabantu abafana loKasich lulakho ukutholisa uBiden amavoti amanenfi avela kubandla lamaRepublicans.

Embed share

Ingxoxo loMnu Den Moyo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:23 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

UMoyo usole uTrump esithi ungumuntu ohlukanisa uzulu ngemihlobo. UMongameli Trump yena uyakulandula lokhu lokuthi ulobandlululo.

Ibandla lakhe lizakwenza eyalo iConvention ngeviki ezayo.