amalinks wokungena

Breaking News

Douglas Mwonzora: Mayuyu Zulukandaba! Ngiphosisile, iGukurahundi Yayingumbhuqazwe Hatshi Impi Yomndeni!


UMnu. Douglas Mwonzora.

Unobhala jikelele webandla leMDC-T uMnu. Douglas Mwonzora usexolisile ngokuthi wathi isehlakalo seGukurahundi, kwakuyimpi yomdeni eye Civil War, njalo usesithi waphosisa ngoba kwakungumbuqazwe, lapho okwabulawa inkulungwane lenkulungwane zabantu ababengalacala ezigabeni zeMidlands leMatabeleland ilizwe lisanda ukuthola uzibuse.

Embikweni awethule izolo, uMnu. Mwonzora uthe akutshoyo kwakuyikutshelela kolimi njalo uyazisola ngakho.

Lokhu kwenzakala umphathintambo kahulumende obona ngezokwethulwa kwembiko uNkosikazi Monica Mutsvangwa esanda ukukhuluma amazwi asolwa ngabanengi lapho ethesa uBishop Andrew Ndlovu labanye bebandla lakhe umlandu ngokusola ukwephulwa kwelungelo loluntu elizweni lokungaxazululi udaba lweGukurahundi.

Kodwa uhulumende uthi uphethe kuhle loludaba, njengoba esanda ukuhlangana lenhlanganiso yeMatabeleland Collective ngempelaviki edluleyo ngalo, kukanti enhlanganiso yeNational Peace and Reconciliation Commission isalucubungula.

Kodwa abanye basola ukuthi kukhulunywa ngokudingela abathinteka kulesi isihlakalo incwadi zokuzalwa ezama birth certificates, lokungcwaba kutsha abatshonayo, uhulumende engakavumi ukuthi ngempela sabakhona isehlakalo seGukurahundi njalo axolise.

UMnu. Khaliphani Phugeni, isikhulumeli sebandla leMDC-T, uthi bakhulumisane laye uMnu. Mwonzora ngaloludaba, njalo uthi ibandla lakhe liyakhathazeka ngokutshona kukaMnu. Patson Dzamara.

please wait

No media source currently available

0:00 0:04:01 0:00


Facebook Forum

XS
SM
MD
LG