WASHINGTON D.C —
UMOngameli Cyril Ramaphosa wakwele South Africa ubikwa ezathumela elinye njalo iqula eZimbabwe ukuyakhulumisana loMongameli Emmerson Mnangagwa Kanye lenye inkokheli yezombusazwe.
Ngenyanga edluleyo Ramaphosa wathumela iqula elalikhokhelwa nguMnu. Sydney MUfamadi loNkosikazi Baleka Mbethe abaziwa beyame kuhlangothi lweZanu PF.
Umsakazo we SABC uthi iqula elikhethiweyo kathesi lizakhokhelwa ngunobhala jikelele webandla leANC, uMnu. Ace Magushule.
UMagashule uke wabonakala emfanekisweni emi lababeyiziphathamandla zeZanu PF, uMnu. Saviour Kasukuwere künye loMnu. Walter Mzembi esithi ababili laba bamtshele ngesimo selizwe le Zimbabwe okwacunula iziphathamandla zebandla le Zanu PF.